In ekonomies-uitdagende tye is dit meer belangrik as ooit om goeie gesonde verhoudings met mekaar te bou in die besigheidsektor van ons gemeenskap. Hierdie interkerklike bediening het ten doel om besigheidseienaars op spesifieke geleenthede bymekaar uit te bring sodat verhoudings gebou en ontwikkel kan word asook om ‘n platform te skep waar hulle geleer kan word van praktiese beginsels van die Koninkryk om meer suksesvol in besigheid te wees. Ons gebruik ook geleenthede om vir ons besigheidseienaars en hul besighede te bid en hulle te bemoedig.
Ons het besigheidsontbyt "events" wat in 2019 afskop waar ons saam met mekaar kuier en eet en dan ook mekaar bemoedig met Woord en Bybelse beginsels. Tydens hierdie ontbytgeleenthede het besigheidseienaars ook die kans om hulle besighede onder mekaat te bemark en te “network” om verhouding te bou.
Indien jy ‘n besigheidseienaar/bestuurder is, is jy welkom om deel van ons netwerk te wees. Ons sal jou op hoogte hou van geleenthede waarby jy kan betrokke wees. Kliek gerus hier indien jy verlang dat ons met jou in kontak tree.
