WEB SKAKEL:
https://www.cvglobal.co/cv-africa/
Klein-Karoo Gemeente is nie net ‘n lokale gemeente in die hartjie van Oudsthoorn nie. Ons visie dat die hart van mense aangeraak sal word strek wyer! Tegnologie maak dit moontlik dat ons saam met ander rolspelers en vennote, ‘n verskil kan maak en deel kan wees van ‘n globale uitreik en evangelisasie-netwerk!
Gaan lees gerus meer oor die wonderlike evangelisasiewerk wat CV Media op ‘n groot internasionale skaal doen! Klein-Karoo Gemeente is een van die kerke met wie CV Media in verhouding staan en met wie daar saamgewerk word om mense te bereik met die goeie nuus van Jesus Christus!
Ons webtuiste dien ook as ’n platvorm vir enige iemand wat deur middel van CV Media met ‘n lokale gemeente wil “connect” en daar wil inskakel. Mense wat dus in die omgewing van Oudtshoorn, asook George en omliggende areas woon en deur CV Media bereik word, word direk verwys na Klein-Karoo Gemeente en so vind mense ‘n veilige gesins-gemeente waar hulle kan betrokke raak.
Ons is opgewonde om saam met ons vriende van CV Mediate werk en saam te droom oor die potensiaal van uitreik en evangelisasie!
