Om te gee bly een van die grootste beginsels wat aan jou groot vreugde sal verskaf. Paulus vertel dat Jesus self eenmaal gesê het: “Dit is baie meer salig om te gee as om te ontvang.”

Daar is ongelooflike seëninge wat ‘n mens vir jouself oopsluit as jy gee. Ons praat nie net van geld nie, maar van jouself, jou tyd en elke fasset van jou menswees.

Wanneer jy bereid is om ook van jou finansies te gee in die gemeente, dui dit reeds daarop dat jy besig is om jouself te ontsluit as ‘n persoon wat ‘n “gee-mentaliteit” het. Finansies is vir ons almal belangrik. Om ons begrotings te laat klop is ook baie belangrik en daarom is ons ernstig daaroor. Dit is beslis die grootste area van selfopoffering en daarom sê God ook dat ons Hom kan toets in dit. Hy weet dat geld belangrik is en daarom vra Hy ook dat jy Hom sal eer in dit en sal bydra vr Sy werk. Hy gee aan jou ‘n belofte: As jy bereid is om God ook hierin te vertrou, sal Hy sorg dat jy altyd genoeg het om van te lewe. Gee God ‘n kans om vir jou te wys dat Hy ook hierin vir jou wil wys hoe groot Hy is! Word vandag ‘n gewer!

"Gee, en aan julle sal gegee word. 'n Goeie maat wat ingedruk en geskud en oorlopend is, sal hulle in jul skoot gee, want met dieselfde maat waarmee julle meet, sal weer vir julle gemeet word. (Luk. 6:38)"